காலிஃபிளவர்

காலிஃப்ளவர் போண்டா
தேவையான பொருட்கள்:

காலிஃப்ளவர் – 1 கப்
கடலை மாவு – 1 கப்
பச்சை மிளகாய் – 2 (நறுக்கியது)
மிளகாய் தூள் – 1 டீஸ்பூன்
ஓமம் – 1 டீஸ்பூன்
கரம் மசாலா – 1 டீஸ்பூன்
பேக்கிங் சோடா – 1 சிட்டிகை
உப்பு – தேவையான அளவு
எண்ணெய் – 1 கப் (பொரிக்க)
தண்ணீர் – 1 கப்

செய்முறை:

            முதலில் ஒரு பாத்திரத்தில் கடலை மாவைப் போட்டு, தண்ணீர் ஊற்றி கெட்டி சேராதவாறு நன்கு கலந்து கொள்ள வேண்டும்.

            பின்னர் ஓமம், மிளகாய் தூள், உப்பு, பேக்கிங் சோடா, பச்சை மிளகாய் மற்றும் கரம் மசாலா சேர்த்து நன்கு கலந்து தனியாக வைத்துக் கொள்ள வேண்டும்.

           பின்பு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், காலிஃப்ளவரை கடலை மாவில் பிரட்டி எண்ணெயில் போட்டு பொன்னிறமாக பொரித்து எடுக்க வேண்டும்.

          சுவையான காலிஃப்ளவர் போண்டா ரெடி.
++++++++++++++++++++++
காலிஃபிளவர் ரோஸ்ட்
தேவையான பொருட்கள்:
MEDIUM SIZE CAULIFLOWER - 1
சோளமாவு - 1 டேபிள் ஸ்பூன்
இஞ்சி விழுது - 1 டீ ஸ்பூன்
மிளகாய்த்தூள் - 1 டீ ஸ்பூன்
மிளகு - பொடித்தது - 1 டீ ஸ்பூன்
உப்பு தேவைக்கேற்ப
கரம் மசாலா 1/2 டீ ஸ்பூன்
தயிர் - 1/2 கப்
ஆலிவ் ஆயில் - 1/4
செய்முறை:
தேவையான பொருட்கள்: "காலிஃபிளவரை படத்தில் படத்தில் காட்டியுள்ளது போல் 1/4 கனத்திற்கு வில்லைகளாக வெட்டிக் கொள்ளவும். 6 வில்லைகள் வரும். (இவற்றை வெது வெதுப்பான உப்புக் கரைசலில் 5 நிமிடம் ஊற வைத்தால் அதிலுள்ள புழுக்கள் வெளியேறி விடும். பிறகு நீரை வடித்து, வில்லைகளை தனியாக எடுத்துக் கொள்ளவும்- கொதிக்கும் வெந்நீரில் ஊற வைத்தால் புழுக்கள் அவை இருக்கும் இடத்திலேயே மடிந்து அங்கே தங்கி விடும்).
இதர பொருட்களை ஒன்றாக கலந்து அதில் காலிஃபிளவர் வில்லைகளை 10 நிமிடம் ஊற வைக்கவும் (MARINATE).
ஒரு தோசைக்கலில் 2 டேபிள் ஸ்பூன் ஆலிவ் ஆயில் ஊற்றி வில்லைகளை இரண்டு இரண்டாக வைத்து நன்றாக வறுத்து எடுக்கவும். இரு புறமும் இது போன்று செய்யவும்.
பிரியாணி வகைகள், அனைத்து வகை சலந்த சாதங்களுக்கும் தொட்டுக்கொள்ள ஏற்றது